గుర్రం పాపిరెడ్డి - ఫన్ ఉంది కానీ ఫీలింగ్ మిస్సింగ్!

విడుదల తేదీ : డిసెంబర్ 19, 2025

నటీనటులు : నరేష్ అగస్త్య, ఫరియా అబ్దుల్లా, బ్రహ్మానందం, యోగిబాబు, జీవన్, రాక్ కుమార్ కసిరెడ్డి, వంశీధర్ గౌడ్, జాన్ విజయ్ తదితరులు

దర్శకుడు : మురళీ మనోహర్

నిర్మాణం : వేణు సద్ది, అమర్ బురా, జయకాంత్ (బాబీ)

సంగీత దర్శకుడు : కృష్ణ సౌరభ్ సూరంపల్లి

సినిమాటోగ్రాఫర్ : అర్జున్ రాజా

ఎడిటర్ : కార్తీక్ శ్రీనివాస్

ఈ వారం థియేటర్లలోకి వచ్చిన సినిమాల్లో అవతార్ 3 వంటి భారీ చిత్రం తప్ప మిగతా ఇండస్ట్రీల నుంచి పెద్దగా పోటీ కనిపించలేదు. అలాంటి సమయంలో తెలుగులో యంగ్ అండ్ టాలెంటెడ్ హీరో నరేష్ అగస్త్య నటించిన క్రైమ్ కామెడీ చిత్రం “గుర్రం పాపిరెడ్డి” విడుదలైంది.

కథా నేపథ్యం

గుర్రం పాపిరెడ్డి పాత్రలో నరేష్ అగస్త్య, సౌదామిని పాత్రలో ఫరియా అబ్దుల్లా నటిస్తూ, గొయ్యి (జీవన్), చిలిపి (వంశీధర్ గౌడ్), మిలట్రీ (రాజ్ కుమార్ కసిరెడ్డి)లతో కలిసి ఓ ప్లాన్ రూపొందిస్తారు. శ్రీశైలంలో ఉన్న ఒక శవాన్ని తీసుకొచ్చి, శ్రీనగర్ కాలనీలోని స్మశాన వాటికలో మరో శవంతో మార్పిడి చేయాలనేదే వారి లక్ష్యం. అయితే ఆ శవం అసలు ఎవరిది? దాన్ని ఎందుకు మార్చాల్సి వచ్చింది? అన్న ప్రశ్నలతో కథ ఆసక్తికరంగా ముందుకు సాగుతుంది.

ఈ క్రమంలో రాజ కుటుంబీకులైన హైగ్రీవ (జాన్ విజయ్), నీలగ్రీవ (ప్రదీప్ రుద్ర)లు గుర్రం పాపిరెడ్డిని టార్గెట్ చేసి అతని కోసం వెతకడం మొదలుపెడతారు. అసలు గుర్రం పాపిరెడ్డి ఎవరు? అతడు వీరికి ఏం చేశాడు? వారి ఆస్తిని ఎందుకు కాజేయాలని చూస్తున్నాడు? చివరకు ఈ సంఘటనల్లో ఎవరికీ లాభం, ఎవరికీ నష్టం కలిగింది? అన్న ప్రశ్నలకు సమాధానాలు తెలుసుకోవాలంటే ఈ సినిమా చూడాల్సిందే.

బలమైన అంశాలు

ఈ సినిమాలో ప్రేక్షకులను కొంతమేర ఆకట్టుకునే అంశాలు ఉంటే అవి ప్రధానంగా అక్కడక్కడా వచ్చే నవ్వు పుట్టించే కామెడీ సన్నివేశాలే. దర్శకుడు ప్రతి పాత్రను ప్రత్యేకంగా డిజైన్ చేసి, వాటి చుట్టూ రూపొందించిన కామెడీ ట్రాక్స్ మంచి వినోదాన్ని అందిస్తాయి. ముఖ్యంగా ఫస్ట్ హాఫ్‌లో సినిమా మొదటి అరగంట పాటు కథనం సాఫీగా సాగుతూ, సాలిడ్ ఫన్‌తో ప్రేక్షకులను ఎంగేజ్ చేస్తుంది.

ఈ కామెడీ ట్రాక్స్‌లో జీవన్ నటించిన గొయ్యి పాత్ర ప్రధాన ఆకర్షణగా నిలుస్తుంది. పాత్రలోని అమాయకత్వాన్ని తన పెర్ఫార్మెన్స్‌తో బాగా పండించాడు. అతనితో పాటు మిలట్రీ పాత్రలో రాజ్ కుమార్ కసిరెడ్డి కూడా మంచి హాస్యాన్ని పండించారు. స్మశాన వాటికలో వచ్చే ట్రాక్, అలాగే క్లైమాక్స్‌లో యోగిబాబుతో ఉన్న ఫన్ సీన్స్ ఆకట్టుకుంటాయి. హీరో నరేష్ అగస్త్య తన పాత్రలో మంచి టైమింగ్‌తో డీసెంట్ పెర్ఫార్మెన్స్ ఇచ్చారు, ఫరియా అబ్దుల్లా గ్లామర్‌తో పాటు నటనలోనూ మెప్పించారు. లీడ్ నటులు ప్రోస్థెటిక్ మేకప్‌లో చేసిన సన్నివేశాలు వారి అంకితభావాన్ని చూపిస్తాయి. మొత్తంగా, ఈ సినిమా కామెడీ సన్నివేశాల వరకు వినోదంలో లోటు లేకుండా సాగుతుంది, మధ్య మధ్యలో వచ్చే కొన్ని ట్విస్టులు కూడా సరైన స్థాయిలో పనిచేస్తాయి.

లోపాలు