ఆంధ్రప్రదేశ్‌లో గ్రామీణ ఎన్నికల్లో భారీగా పెరిగిన పోలింగ్‌ శాతం

ఆంధ్రప్రదేశ్‌లో ఎంపీటీసీ, జెడ్పీటీసీ ఎన్నికల్లో ఓటింగ్‌ శాతం గణనీయంగా పెరిగింది. గత ఎన్నికల్లో 60.91 శాతం పోలింగ్‌ నమోదు కాగా.. గురువారం నిర్వహించిన ఎన్నికల్లో 70.72 శాతం నమోదైంది. దీంతో గత ఎన్నికలతో పోలిస్తే ఈసారి పోలింగ్‌ 9.81 శాతం పాయింట్లు పెరిగింది. పట్టణ స్థానిక సంస్థల ఎన్నికలతో పోలిస్తే గ్రామీణ ప్రాంతాల్లో ఓటర్లు అధిక సంఖ్యలో తమ ఓటు హక్కును వినియోగించుకున్నారు.

ఇటీవల జరిగిన మున్సిపల్‌ ఎన్నికల్లో 62.16 శాతం పోలింగ్‌ నమోదైంది. ఎంపీటీసీ, జెడ్పీటీసీ ఎన్నికల్లో జిల్లాల వారీగా చూస్తే విశాఖపట్నం జిల్లా 82.51 శాతం పోలింగ్‌తో అగ్రస్థానంలో నిలిచింది. అల్లూరి సీతారామరాజు జిల్లాలో అత్యల్పంగా 62.01 శాతం పోలింగ్‌ నమోదైంది. ఈ గణాంకాలు గ్రామీణ ప్రాంతాల్లో ఓటర్ల భాగస్వామ్యం పెరిగిన విషయాన్ని తెలియజేస్తున్నాయి.