అసలు మహిళా బిల్లు కాదు.. రాహుల్ గాంధీ సంచలన వ్యాఖ్యలు

లోక్‌సభలో రాహుల్ గాంధీ మాట్లాడుతూ, సభలో తన సోదరి ప్రియాంక గాంధీ చేసిన ప్రసంగం తనకు ఎంతో గర్వంగా అనిపించిందని తెలిపారు. కుటుంబం మరియు సమాజ నిర్మాణంలో మహిళల పాత్ర అత్యంత కీలకమని ఆయన అన్నారు. తల్లులు, చెల్లెళ్లు, భార్యలు, కుమార్తెల రూపంలో మహిళలు ప్రతి మనిషి జీవితంలో ముఖ్యమైన స్థానం కలిగి ఉంటారని పేర్కొన్నారు. తన నానమ్మ ఇందిరా గాంధీ తనకు ఎంతో స్ఫూర్తినిచ్చారని, సత్యం, అహింస వంటి విలువలను ఆమె నేర్పిందని చెప్పారు. ఆమె వల్లే తనలో ధైర్యం, ఆత్మవిశ్వాసం పెరిగాయని తెలిపారు.

అదే సమయంలో మహిళా రిజర్వేషన్ బిల్లుపై కూడా రాహుల్ గాంధీ స్పందించారు. ప్రస్తుతం ప్రవేశపెట్టినది అసలు మహిళా బిల్లు కాదని, నిజంగా మహిళలకు న్యాయం చేయాలంటే పాత మహిళా బిల్లును రద్దు చేసి కొత్తగా తీసుకురావాలని అన్నారు. అలాంటి బిల్లుకు తాము ఎలాంటి అభ్యంతరాలు లేకుండా మద్దతు ఇస్తామని స్పష్టం చేశారు. ప్రస్తుత బిల్లుతో ఓబీసీ వర్గాలకు అన్యాయం జరుగుతుందని విమర్శించారు. ఈ బిల్లు మహిళా సాధికారత కోసం తీసుకురాలేదని, రాజకీయ ప్రయోజనాల కోసమే ప్రవేశపెట్టారని ఆరోపించారు.