షర్మిల పేరు రాజ్యసభ రేసులో పరిశీలన

కర్ణాటక నుంచి రాజ్యసభ సభ్యుల ఎంపిక కోసం కాంగ్రెస్ అధిష్ఠానం కసరత్తు ప్రారంభించింది. ఈనెల 18న ఎన్నికలు జరగనున్న నేపథ్యంలో ఆశావహులు అధిష్ఠానంపై ఒత్తిడి తెస్తున్నారు. అసెంబ్లీలో కాంగ్రెస్‌కు 136 మంది ఎమ్మెల్యేల బలం ఉండటంతో కనీసం మూడు రాజ్యసభ స్థానాలు దక్కే అవకాశం ఉంది.

ఆంధ్రప్రదేశ్ పీసీసీ అధ్యక్షురాలు వైఎస్ షర్మిల పేరు కూడా పరిశీలనలో ఉన్నట్లు సమాచారం. ఆమె ఇటీవల రాహుల్ గాంధీతో భేటీ అయి ఈ అంశంపై చర్చించినట్లు తెలుస్తోంది. ఏఐసీసీ అధ్యక్షుడు మల్లికార్జున ఖర్గే రాజ్యసభ పదవీకాలం ముగియనున్న నేపథ్యంలో ఆయనకు మళ్లీ అవకాశం దాదాపు ఖరారైంది. మాజీ సీఎం సిద్ధరామయ్యకు ఇచ్చిన ఆఫర్‌ను ఆయన తిరస్కరించినట్లు సమాచారం. కొత్త మంత్రివర్గంలో చోటు దక్కని సీనియర్లకు రాజ్యసభ స్థానాలు ఇచ్చే అవకాశం ఉన్నట్లు పార్టీ వర్గాలు చెబుతున్నాయి. అలాగే సిద్ధరామయ్య సతీమణి పార్వతికి కూడా అవకాశం పరిశీలనలో ఉన్నట్లు తెలుస్తోంది.