భూముల పరిరక్షణపై బీఆర్‌ఎస్‌కు మల్లు రవి కౌంటర్

బీఆర్‌ఎస్‌ హయాంలో విలువైన ప్రభుత్వ భూములను విక్రయించిన చరిత్ర కేసీఆర్‌దని కాంగ్రెస్‌ ఎంపీ మల్లు రవి ఆరోపించారు. విలువైన ప్రభుత్వ భూములు ఆక్రమణదారుల చేతుల్లోకి వెళ్లకుండా కాపాడిన ఘనత సీఎం రేవంత్‌రెడ్డిదేనని ఆయన పేర్కొన్నారు. శనివారం న్యూఢిల్లీలో మీడియాతో మాట్లాడిన మల్లు రవి.. మియాపూర్‌ భూములను తామే పరిరక్షించామని బీఆర్‌ఎస్‌ నేత హరీశ్‌రావు చెప్పడం హాస్యాస్పదంగా ఉందన్నారు. రేవంత్‌రెడ్డి ప్రభుత్వం రెండున్నరేళ్లలోనే లక్షల కోట్ల రూపాయల విలువైన ప్రభుత్వ భూములను పరిరక్షించిందని తెలిపారు.

మరోవైపు, మియాపూర్‌లోని 80 ఎకరాల భూమిని ఫుట్‌బాల్‌ స్టేడియం నిర్మాణానికి, బహిరంగ సభల నిర్వహణకు కేటాయించాలని తెలంగాణ బీసీ సంక్షేమ శాఖ సలహాదారు వి. హనుమంతరావు సీఎం రేవంత్‌రెడ్డికి విజ్ఞప్తి చేశారు. ఈ స్థలాన్ని ఆయా అవసరాలకు వినియోగించేలా కేటాయించాలని కోరారు. ఈ అంశంపై త్వరలో ముఖ్యమంత్రిని స్వయంగా కలిసి మాట్లాడతానని ఆయన వెల్లడించారు.