ప్రేమకు స్వస్తి చెప్పిన రెజీనా.. అసలు కారణం ఇదేనా?

ప్రేమ, నమ్మకద్రోహం, మానసిక వేదన గురించి నటి రెజీనా కసాండ్రా చేసిన వ్యాఖ్యలు ప్రస్తుతం సోషల్ మీడియాలో చర్చనీయాంశంగా మారాయి. ఆమె నటిస్తున్న తాజా చిత్రం ‘మూకుత్తి అమ్మన్ 2’ విడుదలకు సిద్ధమవుతోంది. ఈ సినిమాలో నయనతార అమ్మవారి పాత్రలో నటిస్తుండగా, సుందర్ సి దర్శకత్వం వహిస్తున్నారు. సినిమా ప్రమోషన్లలో భాగంగా చిత్రబృందం వరుస ఇంటర్వ్యూల్లో పాల్గొంటోంది. ఈ క్రమంలో ఓ ఇంటర్వ్యూలో మాట్లాడిన రెజీనా.. తన వ్యక్తిగత జీవితం, గత ప్రేమబంధం, ఆ సమయంలో ఎదుర్కొన్న చేదు అనుభవాల గురించి బహిరంగంగా వెల్లడించారు.

తన గత ప్రేమబంధం 2020లో ముగిసిందని రెజీనా తెలిపారు. ఆ సమయంలో తీవ్ర నమ్మకద్రోహానికి గురయ్యానని, దాని వల్ల మానసికంగా ఎంతో కుంగిపోయానని చెప్పారు. ఆ బాధ నుంచి బయటపడే క్రమంలో తీవ్రమైన మానసిక సంఘర్షణను ఎదుర్కొన్నట్లు వివరించారు. ఆ అనుభవం తర్వాత కొంతకాలం ప్రేమబంధాలకు దూరంగా ఉండి, తనపై తాను దృష్టి పెట్టాలని నిర్ణయించుకున్నట్లు వెల్లడించారు. ప్రస్తుతం తన పూర్తి దృష్టి సినిమాలు, నటనపైనే ఉందని రెజీనా స్పష్టం చేశారు.