కవితకి ఈరోజు కోర్టులో న్యాయం జరిగింది : కేటీఆర్

బీఆర్ఎస్ వర్కింగ్ ప్రెసిడెంట్  కె.టి. రామారావు, లిక్కర్ స్కాం తీర్పుపై స్పందిస్తూ కల్వకుంట్ల కవిత కు ఈరోజు కోర్టులో న్యాయం జరిగిందన్నారు. అరవింద్ కేజ్రీవాల్ నేతృత్వంలోని ఆప్ ప్రభుత్వాన్ని మద్యం కుంభకోణం అనే సాకుతో కూల్చారని ఆరోపించారు. ఆ కేసు కారణంగా అసెంబ్లీ, పార్లమెంట్ ఎన్నికల్లో భారత్ రాష్ట్ర సమితి రాజకీయంగా నష్టపోయిందని వ్యాఖ్యానించారు.

మా నాయకులపై నమోదైన ప్రతి కేసు అబద్ధమని, రాజకీయ ప్రేరేపితమని, కల్పితమని త్వరలోనే తేలిపోతుందని కేటీఆర్ ధీమా వ్యక్తం చేశారు. ఇండియన్ నేషనల్ కాంగ్రెస్, భారతీయ జనతా పార్టీలు బాధ్యతారహిత ఆరోపణలు చేస్తున్నాయని విమర్శించారు. సాక్ష్యాల కంటే ఆరోపణలకు ప్రాధాన్యం ఇచ్చే ధోరణి పెరిగిందని, కానీ చివరికి సత్యం, న్యాయం గెలుస్తాయని అన్నారు.