పార్టీ సభ్యత్వం పై జనసేన ఫోకస్, ఆవిర్భావ సభ వాయిదా

జనసేన పార్టీ కీలక నిర్ణయం తీసుకుంది. మార్చి 14న నిర్వహించాల్సిన పార్టీ ఆవిర్భావ దినోత్సవ కార్యక్రమాన్ని పార్టీ అధిష్టానం వాయిదా వేసింది. ప్రస్తుతం సభ్యత్వ నమోదు కార్యక్రమంపై పూర్తి స్థాయిలో దృష్టి సారించిన జనసేన నాయకత్వం, ఆ కార్యక్రమాన్ని మరింత వేగవంతం చేయాలని నిర్ణయించింది.

రేపటితో సభ్యత్వ నమోదు గడువు ముగియనున్న నేపథ్యంలో, గడువును మరికొంతకాలం పొడిగించే అవకాశాన్ని కూడా పార్టీ పరిశీలిస్తున్నట్లు సమాచారం. ఇప్పటి వరకు సుమారు 8 లక్షల 70 వేల మంది సభ్యత్వం పొందినట్లు పార్టీ వర్గాలు వెల్లడించాయి. సభ్యత్వ నమోదు కార్యక్రమానికి ప్రాధాన్యం ఇవ్వాలని భావించిన జనసేన, ఆవిర్భావ దినోత్సవ వేడుకలను వాయిదా వేసి సభ్యత్వాల పెంపుపై పూర్తి దృష్టి పెట్టాలని నిర్ణయించింది.