నరవణే చేసిన ట్వీట్‌ను నమ్ముతున్నాను: ప్రతిపక్ష నేత రాహుల్ గాంధీ

మాజీ ఆర్మీ చీఫ్ జనరల్ ఎం.ఎం. నరవణే రచించిన పుస్తకంపై వివాదం తలెత్తింది. ఈ అంశంపై ప్రతిపక్ష నేత రాహుల్ గాంధీ స్పందిస్తూ, నరవణే తన పుస్తకం అందుబాటులో ఉందని స్వయంగా ట్వీట్ చేశారని పేర్కొన్నారు. దీంతో పుస్తకం ప్రచురణ, అందుబాటుపై భిన్న వాదనలు వినిపిస్తున్నాయి.

ఈ విషయంలో పబ్లిషర్ పెంగ్విన్ అయినా అబద్ధం చెప్పాలి లేదా నరవణే అయినా తప్పు చెప్పాలి అని రాహుల్ గాంధీ వ్యాఖ్యానించారు. అయితే తాను నరవణే చేసిన ట్వీట్‌ను నమ్ముతున్నానని స్పష్టం చేశారు. ఈ వ్యాఖ్యలు రాజకీయంగా చర్చనీయాంశంగా మారి, పుస్తక వివాదానికి కొత్త మలుపు ఇచ్చాయి.