ఓటమి భయంతో రాజ్యాంగ వ్యవస్థలపై కాంగ్రెస్ విషప్రచారం - రామచంద్రరావు

బీజేపీ తెలంగాణ రాష్ట్ర అధ్యక్షుడు ఎన్. రామచంద్రరావు కాంగ్రెస్ పార్టీపై తీవ్ర విమర్శలు చేశారు. ఎన్నికల్లో గెలిస్తే సంబరాలు చేసుకోవడం, ఓడిపోతే రాజ్యాంగబద్ధ వ్యవస్థలపై బురదజల్లడం కాంగ్రెస్‌కు అలవాటుగా మారిందని ఆరోపించారు. ప్రధాని పదవి ఒక కుటుంబానికే సొంతం అన్న భావన నుంచి కాంగ్రెస్ బయటకు రావాలని అన్నారు. రాజ్యాంగ వ్యవస్థలపై ప్రజల్లో నమ్మకం సన్నగిల్లేలా రాహుల్ గాంధీ, ప్రకాశ్ రాజ్ కుట్రలు చేస్తున్నారని ఆయన ఆరోపించారు.

ఫామ్-7 దాఖలు చేసినంత మాత్రాన ఓట్లు తొలగిపోవని రామచంద్రరావు అన్నారు. ప్రత్యేక సమగ్ర ఓటర్ల జాబితా సవరణ (ఎస్ఐఆర్) ప్రక్రియపై కాంగ్రెస్ తప్పుడు ప్రచారాన్ని నిలిపివేయాలని డిమాండ్ చేశారు. ఓటర్ల జాబితా సవరణ ప్రక్రియపై ప్రజల్లో అనవసర అపోహలు సృష్టించకుండా వాస్తవాలను వివరించాలని ఆయన సూచించారు.