అమరావతి రైతులపై సుప్రీంకోర్టు కీలక వ్యాఖ్యలు

అమరావతి రైతుల హక్కులను పరిరక్షించేందుకు అవసరమైన సమయంలో జోక్యం చేసుకుంటామని సుప్రీంకోర్టు స్పష్టం చేసింది. భూములు ఇచ్చి నష్టపోయిన రైతులకు అన్యాయం జరిగితే ఊరుకోబోమని పేర్కొంటూ, వారి హక్కులకు భంగం కలిగితే న్యాయపరంగా రక్షణ కల్పిస్తామని తెలిపింది. రైతుల ప్రయోజనాలను కాపాడటంలో కోర్టు వెనుకడుగు వేయదని స్పష్టం చేసింది.

ల్యాండ్‌ పూలింగ్‌, సంబంధిత చట్టాలపై అభ్యంతరాలు లేదా సమస్యలు ఉంటే రైతులు న్యాయస్థానాలను ఆశ్రయించాలని సుప్రీంకోర్టు సూచించింది. అమరావతి అభివృద్ధి కోసం భూములు సమకూర్చిన రైతులకు న్యాయం జరగాల్సిన అవసరాన్ని కోర్టు వ్యాఖ్యలు ప్రస్తావించాయి. రైతుల హక్కులకు విఘాతం కలిగించే పరిస్థితులు ఏర్పడితే తగిన సమయంలో జోక్యం చేసుకుంటామని సుప్రీంకోర్టు పేర్కొంది.