సిరియాపై అమెరికా భీకర దాడులు

సిరియాలోని ఐసిస్ ఉగ్రవాద స్థావరాలే లక్ష్యంగా అమెరికా భారీ వైమానిక దాడులు చేపట్టింది. ‘ఆపరేషన్ హాక్ స్ట్రైక్’ పేరుతో నిర్వహించిన ఈ దాడుల్లో ఉగ్రవాద శిబిరాలపై బాంబుల వర్షం కురిపించినట్లు సమాచారం. గత నెల ఐసిస్ దాడుల్లో అమెరికా సైనికులు ప్రాణాలు కోల్పోయిన నేపథ్యంలో ఈ ప్రతీకార చర్యలకు అమెరికా దిగినట్లు అధికారులు వెల్లడించారు.

తమ సైనికులకు హాని తలపెడితే వెతికి మరీ చంపుతామని అమెరికా సెంట్రల్ కమాండ్ హెచ్చరించింది. ఉగ్రవాదాన్ని పూర్తిగా అణిచివేయడమే లక్ష్యంగా ఈ దాడులు కొనసాగుతున్నాయని తెలిపింది. సిరియాలో ఐసిస్ స్థావరాలపై జరిగిన ఈ దాడులు మధ్యప్రాచ్యంలో ఉద్రిక్తతలను మరింత పెంచే అవకాశముందని అంతర్జాతీయ వర్గాలు అంచనా వేస్తున్నాయి.