ఇరాన్‌కు అమెరికా గట్టి హెచ్చరిక!

అమెరికా రక్షణ మంత్రి పీట్ హెగ్సెత్ ఇరాన్‌కు గట్టి హెచ్చరిక జారీ చేశారు. అవసరమైతే తీవ్ర దాడులు చేపట్టేందుకు సిద్ధంగా ఉన్నామని తెలిపారు. అమరులైన సైనికుల త్యాగాలు వృథా కాకుండా కాపాడుతామని, దేశ ప్రయోజనాల కోసం కఠిన చర్యలు తీసుకుంటామని ఆయన స్పష్టం చేశారు.

ఈ పరిస్థితి దీర్ఘకాలిక యుద్ధంగా మారదని, ఇరాక్ యుద్ధం వంటి పరిణామం ఉండదని పేర్కొన్నారు. ప్రపంచ భద్రత దృష్ట్యా ఇరాన్‌కు అణ్వాయుధాలు ఎప్పటికీ దక్కనివ్వబోమని ఆయన పునరుద్ఘాటించారు.