‘రామాయణ’, ‘టాక్సిక్’ తర్వాత బ్రేక్ తీసుకోనున్న యష్!

కన్నడ స్టార్ యష్ తన తదుపరి చిత్రాలు రామాయణ మరియు టాక్సిక్ పూర్తి అయిన తర్వాత కొంతకాలం విరామం తీసుకోనున్నట్లు తెలిపారు. ఇటీవల ఇచ్చిన ఇంటర్వ్యూలో ఆయన మాట్లాడుతూ, ఈ భారీ ప్రాజెక్టుల కోసం నిరంతరం శ్రమిస్తున్నానని, కుటుంబంతో సమయం గడపడానికి ఈ నిర్ణయం తీసుకున్నానని చెప్పారు. సినిమాల విడుదల ఆలస్యమవుతున్నాయన్న విమర్శలపై స్పందిస్తూ, అంతర్జాతీయ స్థాయి సినిమాల కోసం తెరవెనుక కృషి చేస్తున్నానని వివరించారు.

ఇక ‘టాక్సిక్’ సినిమాపై ప్రేక్షకుల్లో భారీ అంచనాలు నెలకొన్నాయి. గీతూ మోహన్ దాస్ దర్శకత్వంలో రూపొందుతున్న ఈ చిత్రం జూన్ 4న విడుదల కావాల్సి ఉన్నప్పటికీ, గ్లోబల్ రిలీజ్ కోసం వాయిదా వేశారు. షూటింగ్ పూర్తయిందని, త్వరలో కొత్త తేదీ ప్రకటిస్తామని మేకర్స్ తెలిపారు. ఇందులో నయనతార, కియారా అద్వానీ నటిస్తున్నారు. మరోవైపు నితేష్ తివారీ దర్శకత్వంలో ‘రామాయణ’లో యష్ రావణుడి పాత్రలో కనిపించనున్నారు.