10 మిస్సైళ్లను ప్రయోగించిన ఉత్తర కొరియా

పశ్చిమాసియా ప్రాంతంలో ఉద్రిక్తతలు పెరుగుతున్న సమయంలో ఉత్తర కొరియా మరోసారి ప్రపంచ దృష్టిని ఆకర్షించింది. జపాన్ వైపు సముద్రంలోకి ఒకేసారి 10 బాలిస్టిక్ మిస్సైళ్లను ప్రయోగించినట్లు దక్షిణ కొరియా వెల్లడించింది. రాజధాని ప్యాంగ్‌యాంగ్ సమీప ప్రాంతం నుంచి ఈ క్షిపణులు ప్రయోగించినట్లు అధికారులు తెలిపారు.

అమెరికాతో కలిసి దక్షిణ కొరియా నిర్వహించిన సంయుక్త సైనిక విన్యాసాలకు ప్రతిస్పందనగా ఈ మిస్సైల్ పరీక్షలు జరిపినట్లు అనుమానాలు వ్యక్తమవుతున్నాయి. ఈ ఘటన తర్వాత ప్రాంతంలో భద్రతా చర్యలను పెంచినట్లు దక్షిణ కొరియా తెలిపింది. అలాగే ఈ విషయాన్ని అమెరికా మరియు జపాన్ ప్రభుత్వాలతో పంచుకున్నట్లు అధికారులు వెల్లడించారు.