అర్ధరాత్రి విషాదం: అల్లూరి జిల్లాలో బస్సు లోయలో పడి 15 మంది మృతి

అల్లూరి సీతారామరాజు జిల్లాలో అర్ధరాత్రి ఘోర రోడ్డు ప్రమాదం జరిగింది. చింతూరు–మారేడుమిల్లి ఘాట్ రోడ్డులో ప్రయాణిస్తున్న ప్రైవేట్ బస్సు అదుపుతప్పి లోయలో పడిపోయింది. బస్సులో సుమారు 30 మంది ప్రయాణికులు ఉన్నారు. ఈ ప్రమాదంలో కనీసం 15 మంది మరణించినట్లు ప్రాథమిక సమాచారం.

చిత్తూరు జిల్లాకు చెందిన భక్తులు భద్రాచలంలో దర్శనం పూర్తిచేసుకుని అన్నవరం వెళ్తుండగా ఈ ప్రమాదం జరిగినట్లు తెలుస్తోంది. రక్షణ చర్యలు కొనసాగుతున్నాయి. పోలీసులు, స్థానికులు కలిసి గాయపడిన వారిని సమీప ఆసుపత్రులకు తరలిస్తున్నారు.