సీఎం రేవంత్ రెడ్డి ముందు నేడు భారీగా మావోయిస్టుల లొంగుబాటు

హైదరాబాద్‌లోని కమాండ్ కంట్రోల్ కేంద్రం వేదికగా నేడు భారీగా మావోయిస్టులు లొంగిపోనున్నట్లు సమాచారం. సాయంత్రం నాలుగు గంటలకు ముఖ్యమంత్రి రేవంత్ రెడ్డి సమక్షంలో 124 మంది మావోయిస్టులు పోలీసుల ఎదుట లొంగుబాటు చేయనున్నట్లు తెలిసింది. ప్రభుత్వ పిలుపుతో ప్రధాన ప్రవాహంలోకి రావడానికి ఈ నిర్ణయం తీసుకున్నట్లు సమాచారం.

ఇటీవల ప్రభుత్వానికి లొంగిపోయిన మావోయిస్టు అగ్రనేత తిప్పిరి తిరుపతికి చెందిన కమిటీ సభ్యుల్లో పదహారు మంది కూడా లొంగుబాటు చేయనున్నట్లు తెలుస్తోంది. వీరు తమ వెంట ఉన్న దాదాపు డెబ్బై ఆయుధాలను పోలీసులకు అప్పగించనున్నారు. ఈ విషయానికి సంబంధించిన పూర్తి వివరాలను సాయంత్రం ముఖ్యమంత్రి మీడియా సమావేశంలో వెల్లడించనున్నట్లు అధికారులు తెలిపారు.