నాగార్జునసాగర్‌ కుడికాలువ కట్టలో గండి.. కారంపూడిలో ఆందోళన

నాగార్జునసాగర్‌ కుడికాలువ కట్టలో అర్ధరాత్రి వేళ గండి పడడంతో కారంపూడి పరిసరాల్లో తీవ్ర ఆందోళన నెలకొంది. గండి కారణంగా భారీగా నీరు నాగులేటి వాగులోకి చేరడంతో ప్రవాహం వేగంగా పెరిగిపోయింది. వీరుల తిరునాళ్ల సందర్భంగా ఏర్పాటు చేసిన దుకాణల్లోకి కూడా నీరు చేరి వ్యాపారులు ఇబ్బందులు పడుతున్నారు.

వాగు ఉద్ధృతం కారణంగా స్థానికులు ఆందోళనకు గురవుతూ, ఎప్పుడు పరిస్థితి మరింత క్షీణిస్తుందో తెలియక భయంతో ఉన్నారు. సమాచారం అందుకున్న వెంటనే అధికారులు సంఘటనా స్థలానికి చేరుకుని గండిని పూడ్చే పనులను ప్రారంభించారు. ప్రాజెక్టు వద్ద నీటిని నిలిపివేయాల్సిన అవసరం ఉందని ఉన్నతాధికారులకు నివేదించారు.

కట్టకు గండి కావడానికి గుర్తు తెలియని వ్యక్తులు కావాలనే నష్టం చేసిన అవకాశం ఉందని అధికారులు అనుమానం వ్యక్తం చేస్తున్నారు. విచారణ కొనసాగుతోంది.