వి.వి. వినాయక్ చేతుల మీదగా ‘మిస్సింగ్ మేఘన’ ఫస్ట్ లుక్ పోస్టర్ విడుదల

ఫస్ట్ కాపి మూవీస్, కేడీ & కో బ్యానర్లపై పంచుమర్తి నరేష్ బాబు నిర్మిస్తున్న ‘మిస్సింగ్ మేఘన’ చిత్ర ఫస్ట్ లుక్, టైటిల్ రివీల్ పోస్టర్‌ను ప్రముఖ దర్శకుడు వి.వి. వినాయక్ ఆవిష్కరించారు. వాచస్పతి దర్శకత్వంలో తెరకెక్కుతున్న ఈ సస్పెన్స్ ఇన్వెస్టిగేటివ్ థ్రిల్లర్‌లో రామ్ కార్తీక్, అమ్ము అభిరామి, వైదిక సెంజాలియా, అంకిత్ కొయ్య ప్రధాన పాత్రలు పోషిస్తున్నారు. శ్యామ్ కె. నాయుడు సినిమాటోగ్రఫీ అందించగా, ఆర్.ఆర్. ధృవన్ సంగీతం సమకూర్చారు.

ఈ సందర్భంగా మాట్లాడిన వి.వి. వినాయక్ చిత్ర బృందానికి శుభాకాంక్షలు తెలియజేస్తూ సినిమా విజయవంతం కావాలని ఆకాంక్షించారు. దర్శకుడు వాచస్పతి మాట్లాడుతూ, ప్రేక్షకులను చివరి వరకు ఉత్కంఠకు గురిచేసే సస్పెన్స్ ఇన్వెస్టిగేటివ్ థ్రిల్లర్‌గా ఈ చిత్రాన్ని రూపొందించామని తెలిపారు. హీరో రామ్ కార్తీక్ చిత్ర బృందానికి కృతజ్ఞతలు తెలుపగా, సంగీత దర్శకుడు ఆర్.ఆర్. ధృవన్ కథలోని భావోద్వేగాలకు తగ్గట్టుగా సంగీతాన్ని అందించానని, ప్రేక్షకుల ఆదరణ లభిస్తుందనే నమ్మకం వ్యక్తం చేశారు.