టాలీవుడ్‌లో మళ్లీ ‘క్యాస్టింగ్ కౌచ్’ వివాదం పూనమ్ కౌర్ ఘాటు స్పందన

టాలీవుడ్ సినిమా ఇండస్ట్రీలో ‘క్యాస్టింగ్ కౌచ్’ సమస్య మళ్లీ చర్చకు వచ్చింది. సినిమా అవకాశాల పేరుతో వేధింపులు జరుగుతున్నాయనే విషయాలు అప్పుడప్పుడు బయటకు వస్తున్నప్పటికీ, తాజాగా ఒక ఎన్నారై యువతి చేసిన ఆరోపణలు పెద్దగా చర్చకు దారితీశాయి. న్యూయార్క్‌లో ఉండే తెలుగు యువతి పికు నెమలి సోషల్ మీడియాలో షేర్ చేసిన వీడియో ఇప్పుడు వైరల్ అవుతోంది. ఆ వీడియోలో ఆమె ఒక టాలీవుడ్ నిర్మాత తనను సినిమా అవకాశాల పేరుతో వేధించాడని, రిసార్ట్‌కు రావాలని ఒత్తిడి చేశాడని చెప్పింది. దీంతో ఇండస్ట్రీలో ఉన్న కొన్ని సమస్యలు మళ్లీ బయటకు వచ్చి సోషల్ మీడియాలో పెద్ద చర్చ మొదలైంది.

ఈ విషయం పై నటి పూనమ్ కౌర్ తీవ్రంగా స్పందించారు. ఈ ఘటనను ఖండిస్తూ, గతంలో సావిత్రి, జయప్రద, భానుప్రియ, శ్రీదేవి, సౌందర్య వంటి గొప్ప నటీమణులు ఎందుకు లేరనే ప్రశ్నకు ఇదే కారణమని చెప్పారు. ప్రతిభ ఉన్న తెలుగు అమ్మాయిలకు సరైన అవకాశాలు రాకపోవడానికి ఇలాంటి పరిస్థితులే కారణమని తెలిపారు. ఈ అంశంపై సోషల్ మీడియాలో ప్రజలు రెండు వర్గాలుగా చర్చిస్తున్నారు. కొందరు పారదర్శకత అవసరమని చెబుతుంటే, మరికొందరు ఈ ఆరోపణలపై పూర్తిగా విచారణ జరగాలని అంటున్నారు. మొత్తంగా ఈ ఘటనతో టాలీవుడ్‌లో క్యాస్టింగ్ కౌచ్ సమస్య మళ్లీ ముందుకు వచ్చిందని చెప్పొచ్చు.