కొత్త ప్రాజెక్ట్‌ను ప్రకటించిన ‘కోర్ట్’ ఫేమ్ శ్రీదేవి.. హీరో ఎవరంటే?

‘కోర్ట్’ సినిమాతో ఒక్కసారిగా యూత్‌లో మంచి క్రేజ్ సంపాదించుకున్న నటి శ్రీదేవి ప్రస్తుతం వరుస ప్రాజెక్టులతో బిజీగా ఉంది. తొలి సినిమానే మంచి విజయాన్ని అందుకోవడంతో ఆమెకు ఇండస్ట్రీలో వరుస అవకాశాలు వచ్చాయి. ఆ తర్వాత నటించిన ‘బ్యాండ్ మేళం’ ఆశించిన స్థాయిలో ప్రేక్షకులను ఆకట్టుకోకపోయినా, శ్రీదేవి క్రేజ్ మాత్రం కొనసాగుతోంది. ప్రస్తుతం తెలుగు, తమిళ భాషల్లో సినిమాలు చేస్తున్న ఆమె ‘హైకూ’తోనూ ప్రేక్షకుల ముందుకు రానుంది.

తాజాగా శ్రీదేవి తన కొత్త ప్రాజెక్ట్‌ను ప్రకటించింది. ఈ సినిమా ప్రేమ, పాత జ్ఞాపకాలు, చెరిగిపోని భావోద్వేగాల నేపథ్యంలో తెరకెక్కనున్నట్లు ఆమె షేర్ చేసిన ప్రకటన ద్వారా తెలుస్తోంది. ఇందులో శ్రీదేవి, ఆకాష్ ప్రేమ్‌కుమార్ జంటగా నటించనున్నారు. ముత్తురామ్ మురుగన్ దర్శకత్వం వహిస్తున్న ఈ చిత్రం ఎంఆర్ మోషన్ పిక్చర్స్ బ్యానర్‌పై ప్రొడక్షన్ నెం. 2గా రూపొందుతోంది. త్వరలోనే సినిమా షూటింగ్ తేదీలను ప్రకటించనున్నట్లు చిత్ర బృందం తెలిపింది.