‘స్పిరిట్’ డిజిటల్ డీల్.. రికార్డ్ స్థాయిలో ఆఫర్?

పాన్ ఇండియా స్టార్ ప్రభాస్, దర్శకుడు సందీప్ రెడ్డి వంగా కాంబినేషన్‌లో తెరకెక్కుతున్న “స్పిరిట్” సినిమాపై ఇప్పటికే భారీ అంచనాలు ఉన్నాయి. ఈ సినిమా విడుదలకు ముందే డిజిటల్ హక్కుల విషయంలో పెద్ద చర్చకు దారి తీస్తోంది.

సమాచారం ప్రకారం, ప్రముఖ ఓటీటీ సంస్థ ఈ సినిమాకు సుమారు 250 కోట్ల రూపాయల ఆఫర్ ఇచ్చినట్లు ప్రచారం జరుగుతోంది. అయితే ఈ విషయంపై ఇంకా అధికారిక ప్రకటన రాలేదు. ఈ భారీ డీల్ సినీ పరిశ్రమలో హాట్ టాపిక్‌గా మారింది.

ఇక నిజాం హక్కులను మైత్రి మూవీ మేకర్స్ సొంతం చేసుకున్నట్లు సమాచారం. విడుదలకు ముందే ఈ స్థాయి వ్యాపార ఒప్పందాలు కుదురుతుండటంతో “స్పిరిట్” సినిమా భారీ విజయాన్ని సాధించే అవకాశం ఉందని భావిస్తున్నారు.