'మండాడి'కి కొత్త రిలీజ్ డేట్

కోలీవుడ్ నటుడు సూరి, టాలీవుడ్ హీరో సుహాస్ ప్రధాన పాత్రల్లో తెరకెక్కుతున్న పాన్ ఇండియా చిత్రం ‘మండాడి’పై ప్రేక్షకుల్లో మంచి ఆసక్తి నెలకొంది. మతిమారన్ పుగళేంది దర్శకత్వంలో రూపొందుతున్న ఈ స్పోర్ట్స్ డ్రామా తీర ప్రాంతం, మత్స్యకారుల జీవన విధానం నేపథ్యంలో సాగనుంది. మహిమా నంబియార్, సత్యరాజ్, రవీంద్ర విజయ్, అచ్చుత్ కుమార్ కీలక పాత్రల్లో నటిస్తుండగా, జీవీ ప్రకాష్ కుమార్ సంగీతం అందిస్తున్నారు. ఈ సినిమాతో సుహాస్ తమిళ సినీ పరిశ్రమలోకి అడుగుపెడుతున్నారు.

తాజాగా చిత్రబృందం సినిమా విడుదల వాయిదా పడినట్లు ప్రకటించింది. ముందుగా సెప్టెంబర్ 4న విడుదల చేయాలని భావించిన ఈ చిత్రాన్ని ఇప్పుడు సెప్టెంబర్ 10న ప్రేక్షకుల ముందుకు తీసుకురానున్నారు. అలాగే అభిమానులకు మరో సర్‌ప్రైజ్‌గా జూలై 18న తొలి పాట ప్రోమో విడుదల చేయనున్నట్లు వెల్లడించారు. సూరి, సుహాస్ మాస్ లుక్‌లో కనిపిస్తున్న కొత్త పోస్టర్ సినిమాపై అంచనాలను మరింత పెంచుతోంది.