

‘టైగర్ నాగేశ్వరరావు’ సినిమా తర్వాత వెండితెరకు కొంత విరామం ఇచ్చిన నటి రేణు దేశాయ్.. ఇప్పుడు ఓ భారీ కోలీవుడ్ ప్రాజెక్ట్తో ప్రేక్షకుల ముందుకు రాబోతున్నారు. రాజ్కుమార్ పెరియసామి దర్శకత్వంలో ఎర్రచందనం స్మగ్లింగ్, వాస్తవ సంఘటనల ఆధారంగా తెరకెక్కిన ఈ చిత్రం నవంబర్ 20న విడుదల కానుంది. తాజాగా జరిగిన ప్రీ రిలీజ్ వేడుకలో పాల్గొన్న రేణు దేశాయ్ తన సినీ ప్రయాణానికి సంబంధించిన ఆసక్తికర విషయాలను పంచుకున్నారు. ఈ సినిమా అవకాశం తనకు మహాశివరాత్రి రోజున వచ్చిందని తెలిపారు. ఆ రోజు తాను అస్సాంలోని ప్రసిద్ధ కామాఖ్య అమ్మవారి ఆలయంలో ఉన్నానని, దైవ సంకల్పం వల్లే ఈ అవకాశం దక్కిందని ఆనందం వ్యక్తం చేశారు. ఎలాంటి ఆడిషన్స్ నిర్వహించకుండానే తనను ఈ పాత్రకు ఎంపిక చేసిన దర్శకుడికి ప్రత్యేక కృతజ్ఞతలు తెలిపారు.
ఈ వేడుకలో రేణు దేశాయ్ చేసిన వ్యాఖ్యలు కూడా అందరి దృష్టిని ఆకర్షించాయి. తన వయసు 45 ఏళ్లని చెబుతూ.. మమ్ముట్టి వంటి దిగ్గజ నటుడి ముందు నిలబడి మాట్లాడాలంటే ఇప్పటికీ భయంతో వణుకుతానని అన్నారు. తమిళ భాషపై పూర్తి పట్టు లేకపోయినా, షూటింగ్ సమయంలో తాను చేసిన తప్పులను ఓపికగా సరిదిద్దుతూ సహకరించిన హీరో ధనుష్కు కృతజ్ఞతలు తెలిపారు. తనకు నిజంగానే నటన రాదని నిరాడంబరంగా వ్యాఖ్యానించారు. ఈ ప్రతిష్ఠాత్మక చిత్రంలో మమ్ముట్టితో పాటు సాయిపల్లవి, శ్రీలీల వంటి ప్రముఖ నటీమణులు కూడా కీలక పాత్రల్లో కనిపించనున్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!