

అక్కినేని నాగచైతన్య కథానాయకుడిగా నటిస్తున్న మైథలాజికల్ మిస్టరీ థ్రిల్లర్ ‘వృషకర్మ’ నుంచి మరో ఆసక్తికర అప్డేట్ వచ్చింది. ఇప్పటికే విడుదలైన తొలి పాటకు మంచి స్పందన లభించడంతో చిత్రబృందం మ్యూజికల్ ప్రమోషన్స్ను మరింత వేగవంతం చేసింది. ఇందులో భాగంగా ‘చలో పదవే’ అంటూ సాగే రెండో పాటను నవంబర్ 19న విడుదల చేయనున్నట్లు ప్రకటించింది. ఓ చిన్నారితో సాగే ఈ పాట సినిమాలో ప్రత్యేక ఆకర్షణగా నిలవనుందని సమాచారం. స్వచ్ఛమైన భావోద్వేగాలు, అందమైన అనుభూతులతో నిండిన ఈ గీతం ప్రేక్షకులను ఆకట్టుకుంటుందని చిత్రబృందం ఆశాభావం వ్యక్తం చేసింది.
‘కాంతార’, ‘విరూపాక్ష’ చిత్రాలకు సంగీతం అందించిన అజనీష్ లోక్నాథ్ ఈ సినిమాకు స్వరాలు సమకూరుస్తున్నారు. ‘విరూపాక్ష’ ఫేమ్ కార్తీక్ దండు దర్శకత్వం వహిస్తున్న ఈ చిత్రంలో నాగచైతన్యకు జోడీగా మీనాక్షి చౌదరి నటిస్తోంది. స్టార్ డైరెక్టర్ సుకుమార్ కథ, స్క్రీన్ప్లే అందిస్తున్నారు. అక్కినేని నాగార్జున సమర్పణలో వెంకీ కుడుముల, సితార ఎంటర్టైన్మెంట్స్ అధినేత నాగవంశీ సంయుక్తంగా నిర్మిస్తున్నారు. జయరామ్, స్పర్ష శ్రీవాస్తవ, సత్య, జరీనా వాహబ్ తదితరులు కీలక పాత్రల్లో కనిపించనున్నారు. ఈ చిత్రం డిసెంబర్ 4న ప్రేక్షకుల ముందుకు రానుంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!