

2025–26 విద్యా సంవత్సరంలో అమెరికాలో ఉన్నత విద్యను అభ్యసిస్తున్న భారతీయ విద్యార్థుల సంఖ్య 6.5 శాతం తగ్గినట్లు తాజా గణాంకాలు వెల్లడిస్తున్నాయి. కరోనా మహమ్మారి ప్రభావం తర్వాత తొలిసారిగా ఈ స్థాయిలో తగ్గుదల నమోదైనట్లు తెలుస్తోంది. గత కొన్ని సంవత్సరాలుగా ఉన్నత విద్య, మెరుగైన కెరీర్ అవకాశాల కోసం అమెరికాకు వెళ్లే భారతీయ విద్యార్థుల సంఖ్య గణనీయంగా ఉండగా, ఇప్పుడు ఈ పరిస్థితిలో మార్పు కనిపిస్తోంది.
కఠినమైన వీసా తనిఖీలు, వీసా అపాయింట్మెంట్లు లభించడంలో ఆలస్యం, దరఖాస్తుల ప్రాసెసింగ్కు ఎక్కువ సమయం పట్టడం వంటి అంశాలు ఈ తగ్గుదలకు ప్రధాన కారణాలుగా భావిస్తున్నారు. భారతీయ విద్యార్థుల సంఖ్య తగ్గడం వల్ల భారత్, అమెరికా రెండు దేశాలపైనా ప్రభావం పడే అవకాశం ఉందని విశ్లేషకులు అభిప్రాయపడుతున్నారు. అమెరికా విద్యా వ్యవస్థకు, ఆర్థిక రంగానికి భారతీయ విద్యార్థులు తోడ్పడుతుండగా, అమెరికాలో చదవడం ద్వారా భారతీయ విద్యార్థులకు అంతర్జాతీయ విద్య, ఉద్యోగ అవకాశాలు లభిస్తున్నాయి. ఈ నేపథ్యంలో విద్యార్థుల సంఖ్యలో తగ్గుదల ఇరు దేశాల విద్యా, ఆర్థిక సంబంధాలపై ప్రభావం చూపవచ్చు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!