రేపు ఓటీటీ స్ట్రీమింగ్‌కు సిద్ధమైన రవం

హీరో మేకా శ్రీకాంత్ తాజాగా సస్పెన్స్ థ్రిల్లర్ చిత్రం రవం టైటిల్ సాంగ్‌ను విడుదల చేశారు. తారక్ ఫిలిం హౌస్ బ్యానర్‌పై తెరకెక్కిన ఈ చిత్రంలో ప్రశాంత్ రాదారపు, అనుశ్రీ ప్రధాన పాత్రల్లో నటించారు. ఈ సినిమా రేపు ఓటీటీ ప్లాట్‌ఫామ్ ఆహాలో విడుదల కానుంది. అంతకుముందు ఈ చిత్రం ఫస్ట్ లుక్‌ను ప్రముఖ దర్శకుడు వి.వి. వినాయక్ విడుదల చేశారు.

ఈ సందర్భంగా మాట్లాడిన శ్రీకాంత్, మంచి కాన్సెప్ట్‌తో వస్తున్న ఈ సినిమా విజయవంతం కావాలని చిత్ర యూనిట్‌కు శుభాకాంక్షలు తెలిపారు. దర్శకుడు శ్రీరామ్ మన్నార్ ఈ చిత్రాన్ని గ్రిప్పింగ్ స్క్రీన్‌ప్లేతో తెరకెక్కించారని, ప్రేక్షకులను ఆకట్టుకునే అంశాలు సినిమాలో ఉన్నాయని తెలిపారు. ఈ చిత్రానికి నిర్మాతగా మరియు సంగీత దర్శకుడిగా పడాల తారక రామారావు వ్యవహరించగా, ఎగ్జిక్యూటివ్ ప్రొడ్యూసర్‌గా కరాటే కళ్యాణి పనిచేశారు. మంచి నిర్మాణ విలువలు మరియు సాంకేతిక ప్రమాణాలతో ఈ చిత్రాన్ని రూపొందించారు.