‘పెద్ది’ ప్రమోషన్స్‌లో ప్రధాని మోదీ గురించి చెప్పిన రామ్ చరణ్....

‘పెద్ది’ సినిమా ప్రమోషన్స్‌లో భాగంగా ఢిల్లీలో జరిగిన ప్రెస్‌మీట్‌లో రామ్ చరణ్ ప్రధాని నరేంద్ర మోదీతో తన గత భేటీని గుర్తుచేసుకున్నారు. మోదీ తనను ‘పెద్ది’ కథ గురించి అడిగారని, ఇది వికసిత్ భారత్ భావనను ప్రతిబింబించే కథలా ఉందని వివరించానని తెలిపారు. ఆ సమయంలో మోదీ చెప్పిన ఒక గ్రామ ఫుట్‌బాల్ ఆటగాడి కథ తనకు ఎంతో స్ఫూర్తినిచ్చిందని చరణ్ వెల్లడించారు.

ఈ చిత్రంలో స్పోర్ట్స్ బ్యాక్‌డ్రాప్‌తో పాటు ట్రయాంగిల్ లవ్‌స్టోరీ కూడా ఉందని నటుడు దివ్యేందు శర్మ తెలిపారు. జాన్వీ కపూర్, బొమన్ ఇరానీ కీలక పాత్రల్లో కనిపించనుండగా, ‘మస్సా మస్సా’ అనే కొత్త పాటను కూడా చిత్ర బృందం విడుదల చేసింది. అలాగే పైరసీని అరికట్టేందుకు మద్రాస్ హైకోర్టు ‘పెద్ది’కు యాంటీ పైరసీ ఉత్తర్వులు జారీ చేసింది.