నెల్సన్ జీవనశైలిపై అసూయగా ఉంది – రజినీకాంత్

సూపర్‌స్టార్ రజినీకాంత్ దర్శకుడు నెల్సన్ దిలీప్‌కుమార్ జీవనశైలి గురించి ఆసక్తికర విషయాలు వెల్లడించారు. నెల్సన్ ఇటీవల 18వ అంతస్తులో అందమైన అపార్ట్‌మెంట్ కొనుగోలు చేశారని తెలిపారు. విశాలమైన ఖాళీ ప్రదేశాలు, పెద్ద గ్రౌండ్‌తో పాటు సముద్రం అందాలను వీక్షించే అవకాశం ఆ ఇంటి ప్రత్యేకతలని పేర్కొన్నారు. నెల్సన్ విలాసవంతమైన జీవనశైలిని చూసి తనకు అసూయగా ఉందని రజినీకాంత్ సరదాగా వ్యాఖ్యానించారు.

సన్ పిక్చర్స్ అధినేత కళానిధి మారన్ గురించి కూడా రజినీకాంత్ ప్రస్తావించారు. నిర్మాణ సంస్థ నుంచి నెల్సన్ మంచి పారితోషికం అందుకున్నారని, ఆ మొత్తాన్ని ఫిక్స్‌డ్ డిపాజిట్లలో పెట్టుబడి పెట్టి తెలివిగా వ్యవహరించారని అన్నారు. నెల్సన్‌కు చెడు అలవాట్లు లేవని, బయట భోజనం చేయడం, మాల్స్‌కు వెళ్లడం ఇష్టమని, అయితే ఎక్కువగా విండో షాపింగ్‌కే పరిమితమవుతారని చెప్పారు. ఇప్పుడు ‘జైలర్ 2’తో నెల్సన్ రజినీకాంత్‌కు మరో విజయాన్ని అందిస్తారా అనేది ఆసక్తికరంగా మారింది.