'పెద్ది' ఓటీటీ వెర్షన్‌పై క్లారిటీ!

రామ్ చరణ్ హీరోగా, జాన్వీ కపూర్ కథానాయికగా దర్శకుడు బుచ్చిబాబు సానా తెరకెక్కించిన ‘పెద్ది’ ఈ ఏడాది టాలీవుడ్‌లో అత్యంత విజయవంతమైన చిత్రాల్లో ఒకటిగా నిలిచింది. భావోద్వేగాలు, క్రీడా నేపథ్యం, అద్భుతమైన నిర్మాణ విలువలతో రూపొందిన ఈ చిత్రం బాక్సాఫీస్ వద్ద భారీ విజయాన్ని అందుకుంది. ఇప్పుడు ఈ సినిమా నెట్‌ఫ్లిక్స్ వేదికగా విడుదలకు సిద్ధమవుతుండటంతో, ఓటీటీలో ఏ వెర్షన్ అందుబాటులోకి వస్తుందనే అంశంపై అభిమానుల్లో ఆసక్తి నెలకొంది.

మొదట థియేటర్లలో 3 గంటల 9 నిమిషాల నిడివితో విడుదలైన ఈ చిత్రాన్ని అనంతరం కొన్ని మార్పులతో 3 గంటల 5 నిమిషాల ఫైనల్ కట్‌గా మళ్లీ ప్రదర్శించారు. ఈ వెర్షన్‌కు ప్రేక్షకుల నుంచి మరింత మంచి ఆదరణ లభించింది. తాజాగా అందుబాటులోకి వచ్చిన రన్‌టైమ్ వివరాల ప్రకారం, నెట్‌ఫ్లిక్స్‌లో కూడా ఇదే 3 గంటల 5 నిమిషాల ఫైనల్ కట్ స్ట్రీమింగ్ కానుంది. దీంతో అభిమానుల్లో నెలకొన్న సందేహాలకు తెరపడింది. ఏ.ఆర్. రెహమాన్ సంగీతం అందించిన ఈ చిత్రాన్ని వృద్ధి సినిమాస్ నిర్మించింది.