‘ఉస్తాద్ భగత్ సింగ్’లో పవన్ కళ్యాణ్ పాత పాట రీమిక్స్!

పవర్ స్టార్ పవన్ కళ్యాణ్‌కు పాత పాటలంటే ప్రత్యేకమైన ఇష్టం ఉన్న సంగతి తెలిసిందే. గతంలో ‘ఖుషి’ సినిమాలో ‘ఆడువారి మాటలకి అర్ధాలే వేరులే’ పాటను రీమిక్స్ చేసి చార్ట్ బస్టర్‌గా నిలిపారు. అలాగే ‘జానీ’ సినిమాలో ‘ఈ రేయి తీయనిది’ పాటను రీమిక్స్ చేయగా, సినిమా ఫ్లాప్ అయినా ఆ పాట మాత్రం హిట్ అయింది. ఆ తర్వాత ఆయన సినిమాల్లో రీమిక్స్ పాటలు కనిపించలేదు.

ఇప్పుడు ‘ఉస్తాద్ భగత్ సింగ్’ సినిమాలో పవన్ కళ్యాణ్ పాత సినిమాలోని ఓ పాటను రీమిక్స్ చేసినట్లు దర్శకుడు హరీష్ శంకర్ తెలిపారు. అయితే ఏ పాట అనేది స్పష్టంగా చెప్పకపోయినా, ట్రైలర్‌లో వచ్చిన హింట్ ప్రకారం ‘తొలిప్రేమ’ సినిమాలోని ‘ఈ మనసే సే సే’ ట్యూన్ వినిపించడంతో అదే పాటను రీమిక్స్ చేసినట్టు స్పష్టమవుతోంది. ట్రైలర్‌లో 49 నుండి 59 సెకన్ల మధ్య ఈ ట్యూన్ వినిపించడం అభిమానుల్లో ఆసక్తిని మరింత పెంచుతోంది.