'లెనిన్' ప్రమోషన్స్‌లో ఎన్టీఆర్ సందడి?

అఖిల్ అక్కినేని హీరోగా, మురళీ కిషోర్ అబ్బూరు దర్శకత్వంలో తెరకెక్కిన 'లెనిన్' చిత్రం జూలై 10న ప్రపంచవ్యాప్తంగా విడుదల కానుంది. భాగ్యశ్రీ బోర్సే కథానాయికగా నటించిన ఈ చిత్రానికి ఎస్.ఎస్. తమన్ సంగీతం అందించారు. అన్నపూర్ణ స్టూడియోస్, సితార ఎంటర్‌టైన్‌మెంట్స్ సంయుక్తంగా నిర్మించిన ఈ సినిమాపై ఇప్పటికే ప్రేక్షకుల్లో మంచి అంచనాలు నెలకొన్నాయి.

సినీ వర్గాల్లో వినిపిస్తున్న సమాచారం ప్రకారం, ఈ సినిమా ప్రమోషన్స్‌లో భాగంగా జూనియర్ ఎన్టీఆర్‌తో ప్రత్యేక ఇంటర్వ్యూను ప్లాన్ చేస్తున్నట్లు ప్రచారం జరుగుతోంది. ఈ ఇంటర్వ్యూలో నాగార్జున కూడా పాల్గొనే అవకాశం ఉందని వార్తలు వినిపిస్తున్నాయి. అఖిల్, నాగార్జున, ఎన్టీఆర్ ఒకే వేదికపై కనిపిస్తే సినిమాపై మరింత క్రేజ్ పెరుగుతుందని అభిమానులు భావిస్తున్నారు. అయితే దీనిపై చిత్రబృందం నుంచి ఇంకా అధికారిక ప్రకటన వెలువడాల్సి ఉంది.