ఎన్టీఆర్ కొత్త లుక్ వైరల్

యంగ్ టైగర్ ఎన్టీఆర్ కొత్త లుక్ సోషల్ మీడియాలో భారీగా వైరల్ అవుతోంది. సంగీత దర్శకుడు తమన్ షేర్ చేసిన బ్లాక్ అండ్ వైట్ ఫోటోలో ఎన్టీఆర్ పూర్తిగా కొత్త స్టైలిష్ అవతార్‌లో కనిపించారు. స్లిమ్ ఫిట్ బాడీ, స్టైలిష్ గడ్డం, కొత్త హెయిర్ స్టైల్ అభిమానులను ఆకట్టుకుంటోంది.

ఈ లుక్ ఏ సినిమాకు సంబంధించినదన్నది ఇంకా స్పష్టత రాలేదు. కొందరు ఇది ప్రశాంత్ నీల్ దర్శకత్వంలో వస్తున్న యాక్షన్ సినిమాకు సంబంధించినదని భావిస్తుండగా, మరికొందరు త్రివిక్రమ్ శ్రీనివాస్ ప్రాజెక్ట్ కోసం అయి ఉండొచ్చని అంటున్నారు. ఈ నెల 20న పుట్టినరోజు సందర్భంగా కొత్త అప్డేట్ వచ్చే అవకాశం ఉండటంతో హైప్ మరింత పెరిగింది.