బాలయ్య సినిమాలో నర్గీస్ ఫక్రీ స్పెషల్ సాంగ్.. మేకర్స్ భారీ ప్లాన్ ?

నటసింహం బాలకృష్ణ నటిస్తున్న ‘NBK 111’ సినిమాపై ఇప్పటికే భారీ అంచనాలు నెలకొన్నాయి. గోపీచంద్ మలినేని దర్శకత్వంలో తెరకెక్కుతున్న ఈ చిత్రంలో మాస్ ఎలిమెంట్స్‌కు ప్రత్యేక ప్రాధాన్యం ఇస్తున్నట్లు తెలుస్తోంది. ముఖ్యంగా అభిమానులను ఆకట్టుకునేలా ఓ స్పెషల్ సాంగ్‌ను ప్లాన్ చేస్తున్నారట. ఈ పాట కోసం బాలీవుడ్ నటి నర్గీస్ ఫక్రీని ఎంపిక చేసినట్లు సినీ వర్గాల్లో జోరుగా ప్రచారం సాగుతోంది. ‘వీరసింహారెడ్డి’ తర్వాత బాలయ్య-గోపీచంద్ కాంబినేషన్‌లో వస్తున్న సినిమా కావడంతో అంచనాలు మరింత పెరిగాయి.

ఈ ప్రత్యేక గీతాన్ని హైదరాబాద్‌లో భారీ సెట్‌లో చిత్రీకరించేందుకు మేకర్స్ సిద్ధమవుతున్నట్లు సమాచారం. బాలయ్య ఎనర్జిటిక్ స్టెప్స్‌కు నర్గీస్ ఫక్రీ గ్లామర్ జతకానుండటంతో ఈ పాట సినిమాకే హైలైట్ అవుతుందని అభిమానులు భావిస్తున్నారు. ఇప్పటికే ఈ వార్త సోషల్ మీడియాలో వైరల్ అవుతోంది. బాలీవుడ్‌లో పలు హిట్ చిత్రాల్లో నటించిన నర్గీస్ ఫక్రీకి గ్లామర్ పాత్రల్లో మంచి గుర్తింపు ఉంది. ఇప్పుడు ఆమె బాలయ్య సినిమాలో కనిపించబోతుందన్న వార్తతో ప్రేక్షకుల్లో ఆసక్తి మరింత పెరిగింది.