నాని ‘ది ప్యారడైజ్’ సెకెండ్ సాంగ్‌కు ముహూర్తం ఫిక్స్....

నాని – శ్రీకాంత్ ఓదెల కాంబినేషన్‌లో రూపొందుతున్న ‘ది ప్యారడైజ్’ సినిమా నుంచి ఫస్ట్ సింగిల్ ‘ఆయా షేర్’ భారీ స్పందన అందుకున్న సంగతి తెలిసిందే. ఇప్పుడు ఈ మూవీ సెకండ్ సాంగ్ కోసం అభిమానులు ఆసక్తిగా ఎదురుచూస్తున్నారు. మే 10న ఈ ప్రత్యేక రొమాంటిక్ పాటను విడుదల చేయనున్నట్లు చిత్ర యూనిట్ ప్రకటించింది. అనిరుధ్ రవిచందర్ సంగీతం అందిస్తున్న ఈ పాటలో నాని, కయాదు లోహర్ కెమిస్ట్రీ హైలైట్ కానుంది.

శరవేగంగా షూటింగ్ జరుపుకుంటున్న ఈ చిత్రం పక్కా రా అండ్ రస్టిక్ యాక్షన్ డ్రామాగా తెరకెక్కుతోంది. నాని లుక్ పూర్తిగా భిన్నంగా ఉండబోతోంది. ప్రముఖ నటుడు మోహన్ బాబు కీలక పాత్రలో కనిపించనుండగా, ఆయన పాత్ర సినిమాకు ప్రధాన ఆకర్షణగా నిలవనుంది. నెక్స్ట్ లెవల్ విజువల్స్‌తో ఈ చిత్రాన్ని ఆగష్టు 27న పాన్ వరల్డ్ స్థాయిలో విడుదల చేయనున్నారు. భారీ ప్రమోషన్స్‌తో ఈ సినిమా నాని కెరీర్‌లో అతిపెద్ద రిలీజ్‌గా నిలవనుంది.