‘ది ప్యారడైజ్’లో ఓ మ్యాడ్ యాక్షన్ సీక్వెన్స్...

నాచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కుతున్న భారీ చిత్రం ‘ది ప్యారడైజ్’. మాస్, ఎమోషనల్ యాక్షన్ డ్రామాగా రూపొందుతున్న ఈ సినిమాపై ఇప్పటికే భారీ అంచనాలు ఉన్నాయి. టీజర్, గ్లింప్స్‌లో కనిపించిన యాక్షన్ ఎపిసోడ్స్ సినిమాపై ఆసక్తిని పెంచాయి. ఈ చిత్రానికి ప్రముఖ ఫైట్ మాస్టర్స్ రామ్-లక్ష్మణ్ యాక్షన్ కొరియోగ్రఫీ అందించారు.

తాజాగా వారు సినిమాలోని ఓ మ్యాడ్ యాక్షన్ సీక్వెన్స్ గురించి ఆసక్తికర విషయాలను వెల్లడించారు. నాని షర్ట్, ప్యాంట్ లేకుండా కనిపించే ఓ ఫైట్ సీన్ ఉందని, ఆ సన్నివేశం కోసం హీరో చాలా కష్టపడ్డాడని తెలిపారు. దీంతో ‘ది ప్యారడైజ్’లో యాక్షన్ సీక్వెన్స్‌లు మరింత హార్డ్ హిట్టింగ్‌గా ఉండనున్నాయని అంచనాలు పెరుగుతున్నాయి. అనిరుధ్ సంగీతం అందిస్తున్న ఈ సినిమా సెప్టెంబర్ 24న గ్రాండ్‌గా థియేటర్లలో విడుదల కానుంది.