పశ్చిమ బెంగాల్‌లో గత ప్రభుత్వాన్ని పునరుద్ధరించాలి.. సుప్రీంకోర్టుకు అభిషేక్ బెనర్జీ విజ్ఞప్తి

పశ్చిమ బెంగాల్‌లో బీజేపీ ప్రభుత్వ ఎన్నికల చట్టబద్ధతను తృణమూల్ కాంగ్రెస్ (టీఎంసీ) ఎంపీ అభిషేక్ బెనర్జీ ప్రశ్నించారు. రాష్ట్రంలో గతంలో ఎన్నికైన ప్రభుత్వాన్ని పునరుద్ధరించాలని సుప్రీంకోర్టును కోరారు. అంతేకాకుండా, ఆరు నెలల్లోగా రాష్ట్రంలో మళ్లీ ఎన్నికలు నిర్వహించేలా ఆదేశాలు జారీ చేయాలని విజ్ఞప్తి చేశారు.

ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌) ప్రక్రియలో భాగంగా ఓటర్ల వివరాలను పరిశీలించేందుకు ఎన్నికల సంఘం ఉపయోగిస్తున్న “లాజికల్ డిస్‌క్రిపెన్సీ” వర్గీకరణ చట్టబద్ధతపై ఇంకా తీర్పు ఇవ్వలేదని సుప్రీంకోర్టు స్పష్టం చేసిన నేపథ్యంలో అభిషేక్ బెనర్జీ ఈ వ్యాఖ్యలు చేశారు. ఓటర్ల సమాచార పరిశీలనకు సంబంధించిన ఈ అంశంపై న్యాయస్థానం ఇంకా తుది నిర్ణయం తీసుకోలేదని కోర్టు పేర్కొంది.