రూమర్స్ చూసి నవ్వుకుంటున్నా.. క్రికెటర్ తో లవ్ పై హీరోయిన్ మృణాల్

మృణాల్ ఠాకూర్, టీమ్ ఇండియా స్టార్ క్రికెటర్ శ్రేయస్ అయ్యర్ తో డేటింగ్‌లో ఉన్నట్టుగా ఇటీవల సోషల్ మీడియాలో ప్రచారం జరుగుతోంది. ఈ విషయంపై మృణాల్ సోషల్ మీడియా వేదికగా స్పందిస్తూ, అలాంటి కథనాల్లో ఎలాంటి నిజం లేదని స్పష్టం చేసింది. “నిజానికి నవ్వొస్తోంది, అసలు అలాంటి విషయం జరగలేదు. ఇలాంటి రూమర్స్ పూర్తిగా అసత్యం” అంటూ ఆమె వ్యాఖ్యానించింది. ఈ వివాదం మృణాల్ దృష్టికి చేరడంతో వెంటనే ఖండిస్తూ స్పందించడం విశేషంగా మారింది.

ఇక, మృణాల్ గతంలో కూడా పలు రూమర్స్‌ను ఎదుర్కొని, తన కెరీర్‌పైనే పూర్తి ఫోకస్ పెట్టినట్లు తెలిపింది. ప్రస్తుతం ఆమె పలు కీలక ప్రాజెక్ట్స్‌లో బిజీగా ఉండగా, ఈ విధమైన గాసిప్స్ పని మీద ప్రభావం చూపవని పేర్కొంది. అలాగే శ్రేయస్ అయ్యర్‌తో తాను ఎలాంటి వ్యక్తిగత సంబంధంలో లేనని ఖచ్చితంగా చెప్పింది.