పవన్ కళ్యాణ్ పై దిల్ రాజు ప్రశంసలు

ప్రముఖ నిర్మాత దిల్ రాజు.. జనసేన అధినేత, పవర్ స్టార్ పవన్ కల్యాణ్ గురించి ఒక ఆసక్తికరమైన విషయాన్ని బయటపెట్టారు. నాని హీరోగా నటించిన ‘ది ప్యారడైజ్’ చిత్ర ప్రీ-రిలీజ్ వేడుకలో ఆయన మాట్లాడుతూ.. ‘వకీల్ సాబ్’ సినిమా సమయంలో పవన్ తన కోసం రూ. 5 కోట్ల రెమ్యునరేషన్‌ను వదులుకున్నారని తెలిపారు.

‘వకీల్ సాబ్’ సినిమా విడుదల సమయంలో కరోనా రెండో దశ తీవ్రంగా ఉందని, థియేటర్లలో ఆంక్షల వల్ల నిర్మాతలు ఆర్థికంగా ఇబ్బందులు పడ్డారని దిల్ రాజు గుర్తుచేసుకున్నారు. ఆ క్లిష్ట పరిస్థితుల్లో, తనకు ఇంకా రావలసిన రూ. 5 కోట్ల పారితోషికాన్ని తీసుకోకూడదని పవన్ కల్యాణ్ నిర్ణయించుకున్నారని వివరించారు."పరిస్థితిని అర్ధం చేసుకుని, నిర్మాత నష్టపోకూడదని ఆదుకునే గొప్ప గుణం పవన్‌ది..దటీజ్ పవర్ స్టార్" అని దిల్ రాజు వేదికపైనే ప్రశంసించారు. నిర్మాతను ఆదుకునే విషయంలో పవన్ చూపిన చొరవను ఆయన కొనియాడారు.