చైతన్య థ్రిల్లర్‌కు గ్లోబ్ ట్రాటర్ మహేష్ బాబు ఫస్ట్ లుక్ లాంచ్

తండేల్తో భారీ హిట్ అందుకొని సాలిడ్ కంబ్యాక్ ఇచ్చిన అక్కినేని యంగ్ హీరో నాగ చైతన్య ఇప్పుడు విరూపాక్ష దర్శకుడు కార్తీక్ వర్మ దండు తెరకెక్కిస్తున్న సూపర్ నాచురల్ థ్రిల్లర్ కోసం సిద్ధమవుతున్నారు. ఈ సినిమా మీద మొదటి నుంచీ మంచి అంచనాలు నెలకొని ఉన్నాయి.

చిత్రబృందం తాజాగా ఓ కీలక అనౌన్స్‌మెంట్ చేసింది. ఈ చిత్రానికి సంబంధించిన ఫస్ట్ లుక్ పోస్టర్ మరియు టైటిల్ ను నవంబర్ 22న రిలీజ్ చేయబోతున్నారు. మరింత స్పెషల్‌గా, ఈ ఫస్ట్ లుక్‌ను గ్లోబ్ ట్రాటర్ మహేష్ బాబు స్వయంగా రేపు ఉదయం 10:08 గంటలకు విడుదల చేయనున్నట్లు అధికారికంగా ప్రకటించారు.

ఈ అనౌన్స్‌మెంట్‌తో చైతూ అభిమానుల్లో ఎగ్జైట్మెంట్ మరింత పెరిగింది. సినిమా టైటిల్ ఎలా ఉంటుందో, చైతూ లుక్ ఎలాంటి సర్ప్రైజ్ ఇస్తుందో ఆసక్తిగా ఎదురుచూస్తున్నారు.

ఈ చిత్రంలో మీనాక్షి చౌదరి హీరోయిన్‌గా నటిస్తుండగా, బ్యాక్‌గ్రౌండ్ మ్యూజిక్ స్పెషలిస్ట్ అజనీష్ లోకనాథ్ సంగీతం అందిస్తున్నారు. ప్రముఖ నిర్మాణ సంస్థ శ్రీ వెంకటేశ్వర సినీ చిత్ర ఈ సినిమాను నిర్మిస్తోంది.

రేపు మొదటి చూపు ఎలా ఉండబోతుందో అన్న ఆసక్తి ఇప్పుడు టాలీవుడ్ అంతా చూస్తోంది.