రేణుకా చౌదరి వ్యాఖ్యలు.. కాంగ్రెస్‌లో కొత్త చర్చకు తెర?

కాంగ్రెస్ రాజ్యసభ సభ్యురాలు రేణుకా చౌదరి చేసినట్లు ప్రచారంలో ఉన్న వ్యాఖ్యలు తెలంగాణ రాజకీయాల్లో సంచలనంగా మారాయి. ప్రైవేట్ సంభాషణ సందర్భంగా రికార్డ్ అయినట్లు చెబుతున్న వీడియో సోషల్ మీడియాలో వైరల్ అవుతోంది. అందులో బీఆర్ఎస్ మళ్లీ బలపడుతోందని, కాంగ్రెస్ అప్రమత్తంగా ఉండాల్సిన అవసరం ఉందని ఆమె పేర్కొన్నట్లు వినిపిస్తోంది. ఈ వ్యాఖ్యలు రాజకీయ వర్గాల్లో విస్తృత చర్చకు దారితీశాయి.

అదే వీడియోలో కాంగ్రెస్ అసంతృప్తి నాయకులపై బీజేపీ దృష్టి పెట్టిందని, రాష్ట్ర ప్రభుత్వంపై ప్రజల్లో అసంతృప్తి పెరుగుతోందని కూడా ఆమె వ్యాఖ్యానించినట్లు ప్రచారం జరుగుతోంది. ఇటీవల ముఖ్యమంత్రి రేవంత్ రెడ్డి కాంగ్రెస్ భారీ విజయంపై ధీమా వ్యక్తం చేసిన నేపథ్యంలో రేణుకా వ్యాఖ్యలు మరింత ప్రాధాన్యతను సంతరించుకుని రాజకీయ చర్చలకు కేంద్రబిందువయ్యాయి.