బెంగళూరు ఏఎంబీలో మహేష్ బాబు సందడి

సూపర్ స్టార్ మహేష్ బాబు బెంగళూరులోని ఏఎంబీ సినిమాస్‌ను సందర్శించి అభిమానుల్లో ఉత్సాహాన్ని రేకెత్తించారు. దక్షిణ భారతదేశంలో తొలి డాల్బీ విజన్ అనుభవాన్ని ప్రారంభించిన సందర్భంగా ఆయన అక్కడికి విచ్చేశారు. తనను ఆహ్వానించేందుకు దూరదూరాల నుంచి వచ్చిన అభిమానులను కలవడం ఎంతో ప్రత్యేకంగా అనిపించిందని మహేష్ బాబు పేర్కొన్నారు. బెంగళూరు ప్రజల నుంచి లభించిన ప్రేమకు తాను హృదయపూర్వకంగా కృతజ్ఞతలు తెలిపారు.

అలాగే ఈ కలను నిజం చేయడానికి కష్టపడ్డ టీమ్ ఏఎంబీ పై మహేష్ బాబు గర్వం వ్యక్తం చేశారు. ప్రపంచ స్థాయి సినీ అనుభవాన్ని ప్రేక్షకులకు అందించేందుకు వారు చేసిన శ్రమ ప్రశంసనీయమని అన్నారు. ఈ విజయానికి తోడ్పడిన ప్రతి ఒక్కరికీ ఆయన ధన్యవాదాలు తెలిపారు.