విజయ్ జన నయగన్ మూవీ కి మద్రాస్ హైకోర్టు లో ఎదురు దెబ్బ

విజయ్, హెచ్. వినోద్ దర్శకత్వంలో తెరకెక్కిన చిత్రం ‘జన నాయగన్’ విడుదలకు మరోసారి అడ్డంకి ఎదురైంది. ఈ సినిమాకు సంబంధించి మద్రాస్ హైకోర్టు కీలక తీర్పు ఇచ్చింది. గతంలో సింగిల్ బెంచ్ ఇచ్చిన ఆదేశాలను హైకోర్టు రద్దు చేయడంతో, ప్రస్తుతం ఈ సినిమా విడుదలకు అవకాశం లేకపోయినట్లు స్పష్టమైంది.

‘జన నాయగన్’కు U/A సెన్సార్ సర్టిఫికెట్ ఇవ్వాలన్న సింగిల్ జడ్జి ఆదేశాలను పక్కన పెట్టిన హైకోర్టు, సెన్సార్ విషయంలో సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC)కి మరింత సమయం ఇవ్వాల్సిందిగా సూచించింది. సీబీఎఫ్‌సీ నుంచి సర్టిఫికెట్ వచ్చే వరకు సినిమా విడుదల చేయరాదని స్పష్టం చేసింది. అలాగే, చిత్రాన్ని రీవైజ్ కమిటీ పరిశీలించిన తర్వాతే తుది నిర్ణయం తీసుకోవాలని ఆదేశాలు జారీ చేసింది. ఈ పరిణామాలతో ‘జన నాయగన్’ విడుదల మరింత ఆలస్యం కానున్నది.