మర్డర్ మిస్టరీతో వస్తున్న ‘ఎం4ఎం’

ఉత్కంఠభరితమైన సస్పెన్స్ థ్రిల్లర్ ఎం4ఎం (మోటివ్ ఫర్ మర్డర్) సినిమా వచ్చే నెల 8 న ప్రపంచవ్యాప్తంగా విడుదలకు సిద్ధమవుతోంది. ఈ సినిమాను దర్శకుడు మోహన్ వడ్లపట్ల స్వయంగా నిర్మించారు. ఇందులో జో శర్మ, సంబీత్ ఆచార్య ప్రధాన పాత్రల్లో నటించారు. ఈ మూవీ తెలుగు, హిందీ, తమిళ, కన్నడ, మలయాళ భాషల్లో పాన్ ఇండియా స్థాయిలో విడుదల అవుతోంది. భారత్‌లో విడుదల బాధ్యతలను పీవీఆర్ ఇనాక్స్ పిక్చర్స్ చేపట్టగా, అమెరికా మరియు ఉత్తర భారతంలో ఇతర సంస్థలు విడుదల చేస్తాయి. మర్డర్ మిస్టరీ కథతో ఈ సినిమా ఇప్పటికే మంచి ఆసక్తిని రేకెత్తించింది.

ఈ సినిమా విడుదలకు ముందే అంతర్జాతీయ స్థాయిలో గుర్తింపు పొందింది. ప్రముఖ కాన్స్ ఫిల్మ్ ఫెస్టివల్లో ప్రైవేట్ స్క్రీనింగ్ జరగగా, ముంబైలో ప్రత్యేక ప్రదర్శన కూడా జరిగింది. ఈ షోలకు మంచి స్పందన వచ్చింది. హీరోయిన్ జో శర్మ అమెరికా, భారత్‌లో చేసిన ప్రమోషన్లు సినిమాకు మరింత ప్రచారం తీసుకువచ్చాయి. కథ, సంగీతం, బ్యాక్‌గ్రౌండ్ స్కోర్ ప్రేక్షకులను ఆకట్టుకుంటాయని దర్శకుడు నమ్మకం వ్యక్తం చేశారు.