‘పెద్ది’లో జాన్వి పాత్రపై కొనసాగుతున్న చర్చ

‘పెద్ది’ చిత్రంలో జాన్వీ కపూర్ పోషించిన పాత్రపై విమర్శలు రావడంతో ఆ పాత్ర చుట్టూ చర్చలు కొనసాగుతున్నాయి. ప్రచార కార్యక్రమాల్లో ఆమె ప్రస్తావన తగ్గిందనే అభిప్రాయాలు వ్యక్తమవుతున్నాయి. ఇటీవల జరిగిన విలేకరుల సమావేశంలో దర్శకుడు బుచ్చిబాబు సానా, హీరో రామ్ చరణ్ ప్రధానంగా చిత్ర కథాంశం, ఇతర నటీనటుల గురించి మాట్లాడగా, జాన్వీ పాత్రపై పెద్దగా చర్చ జరగలేదు.

ఇక మరో కార్యక్రమంలో చిరంజీవి చిత్ర బృందంపై ప్రశంసలు కురిపించారు. పలువురు నటుల నటనను ప్రత్యేకంగా ప్రస్తావించిన ఆయన, జాన్వీ పాత్ర గురించి మాత్రం సంక్షిప్తంగా స్పందించారు. ఆమె పాత్రతో పాటు పాటలు కూడా బాగున్నాయని పేర్కొన్నారు. జాన్వి ప్రముఖ నటి శ్రీదేవి కుమార్తె కావడం, చిరంజీవి, శ్రీదేవి కలిసి నటించిన జగదేకవీరుడు అతిలోకసుందరి వంటి చిరస్మరణీయ చిత్రాల నేపథ్యం ఉండటంతో ఈ అంశం అభిమానుల దృష్టిని ఆకర్షిస్తోంది.