‘జైలర్ 2’ అడ్వాన్స్ బుకింగ్స్‌లో రికార్డు.. విడుదలకు ముందే భారీ స్పందన

సూపర్‌స్టార్ రజినీకాంత్ నటించిన ‘జైలర్ 2’ బాక్సాఫీస్ వద్ద భారీ అంచనాల మధ్య దూసుకెళ్తోంది. ఈరోజున ప్రేక్షకుల ముందుకు రానున్న ఈ చిత్రం అడ్వాన్స్ బుకింగ్స్‌లో సరికొత్త మైలురాయిని చేరుకుంది. ప్రముఖ టికెట్ బుకింగ్ వేదిక బుక్‌మైషోలో ఈ సినిమా టికెట్ల విక్రయాలు 10 లక్షల మార్కును దాటినట్లు సమాచారం. దీంతో విడుదలకు ముందే ఈ చిత్రం సినీ ప్రేక్షకుల్లో ఆసక్తిని పెంచుతోంది.

ఆగస్టు 2023 నుంచి ఇప్పటివరకు రజినీకాంత్ కెరీర్‌లో బుక్‌మైషో అడ్వాన్స్ బుకింగ్స్‌లో మిలియన్ టికెట్ల మైలురాయిని అధిగమించిన మూడో చిత్రంగా ‘జైలర్ 2’ నిలిచింది. గతంలో ‘జైలర్’, ‘కూలీ’ సినిమాలు ఈ ఘనత సాధించాయి. ఇప్పుడు ఆ జాబితాలో ‘జైలర్ 2’ చేరడంతో సూపర్‌స్టార్ అభిమానుల్లో ఉత్సాహం నెలకొంది. ఈ అడ్వాన్స్ బుకింగ్స్ జోరు సినిమా ప్రారంభ వసూళ్లపై అంచనాలను పెంచుతోంది.