‘జైలర్ 2’ సెకండ్ సింగిల్‌కు టైమ్ లాక్...

సూపర్‌స్టార్ రజినీకాంత్ హీరోగా, నెల్సన్ దిలీప్‌కుమార్ దర్శకత్వంలో తెరకెక్కుతున్న మోస్ట్ అవైటెడ్ సీక్వెల్ ‘జైలర్ 2’. ‘జైలర్’ భారీ విజయాన్ని అందుకోవడంతో ఈ సీక్వెల్‌పై అభిమానుల్లో భారీ అంచనాలు ఏర్పడ్డాయి. సినిమా నుంచి మేకర్స్ వరుసగా అప్‌డేట్స్ విడుదల చేస్తూ ఆసక్తిని పెంచుతున్నారు. ఇప్పటికే వచ్చిన ఫస్ట్ సింగిల్‌కు మంచి స్పందన లభించింది.

ఇప్పుడు రెండో సాంగ్‌ను కూడా విడుదల చేసేందుకు మేకర్స్ సిద్ధమయ్యారు. ‘వన్ సన్ వన్ మూన్’ పేరుతో రూపొందిన ఈ మాస్ సాంగ్‌ను ఈరోజు సాయంత్రం 6 గంటలకు విడుదల చేయనున్నట్లు అధికారికంగా ప్రకటించారు. రజినీకాంత్ స్టైలిష్ లుక్‌తో కూడిన పోస్టర్‌ను విడుదల చేసి పాట టైమ్‌ను లాక్ చేశారు. అనిరుద్ రవిచందర్ సంగీతం అందిస్తున్న ఈ చిత్రాన్ని సన్ పిక్చర్స్ నిర్మిస్తోంది. ‘జైలర్ 2’ అక్టోబర్ 15న గ్రాండ్‌గా థియేటర్లలో విడుదల కానుంది.