అంతర్జాతీయ చిత్రాల నిబంధనల్లో మార్పులు !

ప్రపంచ సినిమా రంగంలో ప్రతిష్టాత్మకమైన 99వ ఆస్కార్ అవార్డుల కోసం అకాడమీ కొత్త నిబంధనలను ప్రకటించింది. 2027 అవార్డుల కోసం యాక్టింగ్, అంతర్జాతీయ సినిమాలు, సాంకేతిక విభాగాల్లో కీలక మార్పులు చేసింది. ఇకపై ఒకే నటుడు ఒకే విభాగంలో ఎక్కువ సినిమాలకు నామినేట్ అయ్యే అవకాశం కల్పించగా, అంతర్జాతీయ విభాగంలో ఒక దేశం నుంచి ఎక్కువ సినిమాలు పోటీలోకి రావచ్చు. అలాగే విజేత చిత్రాలపై దర్శకుడి పేరును కూడా ట్రోఫీలో ముద్రించనున్నారు.

సినిమా రంగంలో కృత్రిమ మేధ వినియోగంపై అకాడమీ కఠిన నిర్ణయం తీసుకుంది. రచయితలు స్వయంగా రాసిన కథలకే అర్హత ఉంటుందని, ఏఐ సహాయంతో రూపొందించిన స్క్రీన్‌ప్లేలను అనుమతించబోమని స్పష్టం చేసింది. నటనలో కూడా ఏఐ ద్వారా సృష్టించిన సీన్లు లేదా మార్పులు ఉన్న ప్రదర్శనలను తిరస్కరించనున్నారు. 99వ ఆస్కార్ వేడుక 2027 మార్చి 14న లాస్ ఏంజెలెస్‌లో జరగనుంది.