విడుదలకు ముందే ఆసక్తి పెంచుతున్న ‘సింగ్ గీతమ్’

లెజెండరీ దర్శకుడు సింగీతం శ్రీనివాసరావు దర్శకత్వంలో తెరకెక్కుతున్న ‘సింగ్ గీతమ్’ సినిమా విడుదలకు ముందే సినీ వర్గాల్లో మంచి ఆసక్తిని రేకెత్తిస్తోంది. నాగ్ అశ్విన్, అశ్వినీ దత్ నిర్మిస్తున్న ఈ చిత్రం జూన్ 11న థియేటర్లలో విడుదల కానుంది. ఇప్పటికే విడుదలైన ప్రమోషనల్ కంటెంట్ చూస్తే ఈ సినిమా వినోదాత్మకంగా, సింగీతం ప్రత్యేకమైన కథనం మరియు క్రియేటివిటీతో ప్రేక్షకులను ఆకట్టుకునేలా ఉండబోతుందనే అంచనాలు పెరిగాయి.

ఇక ఈ సినిమాకు సంబంధించిన ఓ భారీ ట్విస్ట్ ప్రస్తుతం ఇండస్ట్రీలో హాట్ టాపిక్‌గా మారింది. కథలో ఉండే ఆ సర్ప్రైజ్ ఎలిమెంట్‌ను చిత్రబృందం పూర్తిగా సీక్రెట్‌గా ఉంచినట్లు సమాచారం. థియేటర్లలో ప్రేక్షకులకు ఫ్రెష్ ఎక్స్‌పీరియెన్స్ ఇవ్వాలనే ఉద్దేశంతోనే ఈ ట్విస్ట్‌ను బయటకు చెప్పకుండా జాగ్రత్త పడుతున్నారట. ఈ ట్విస్ట్ సినిమాకే ప్రధాన హైలైట్ అవుతుందని సినీ వర్గాల్లో చర్చ జరుగుతోంది.