‘మిరాయ్ 2’ లో భారీ గ్రాఫిక్స్ ప్లాన్...షూటింగ్‌పై ఇంట్రెస్టింగ్ అప్‌డేట్

‘హనుమాన్’ చిత్ర విజయంతో దేశవ్యాప్తంగా గుర్తింపు తెచ్చుకున్న యువ నటుడు తేజా సజ్జా ఇప్పుడు ‘మిరాయ్’ చిత్రంతో మరో విజయాన్ని అందుకున్నాడు. పీపుల్ మీడియా ఫ్యాక్టరీ నిర్మాణంలో టీజీ విశ్వప్రసాద్, కృతి ప్రసాద్ నిర్మాతలుగా వ్యవహరించగా, కార్తీక్ ఘట్టమనేని దర్శకత్వం వహించారు. ఈ చిత్రం ముగింపులోనే రెండో భాగం ఉండబోతుందని చిత్రబృందం ప్రకటించింది.

ఇప్పటికే ‘మిరాయ్ 2’ పనులు వేగంగా ప్రారంభమయ్యాయి. విశాఖపట్నంలో ఈ రోజు నుంచి 10 రోజులపాటు ప్రత్యేక చిత్రీకరణ జరగనుంది. అయితే ఇది సాధారణ చిత్రీకరణ కాకుండా, చిత్రంలోని కీలక దృశ్యాలకు అవసరమైన దృశ్య ప్రభావాల కోసం ప్రత్యేకంగా చిత్రాలు సేకరిస్తున్నారు. నీలి, ఆకుపచ్చ తెరలపై చిత్రీకరణతో పాటు నేపథ్య దృశ్యాలు, గ్రాఫిక్స్‌కు సంబంధించిన భాగాలను రూపొందిస్తున్నట్లు సినీ వర్గాలు తెలిపాయి.